القاضي : قول و الله العظيم اقول الحق
الشاهد : لازم احلف ما انا متوضي
القاضي : معلهش تعالي علي نفسك
الشاهد : طيب ..... و لله العظيم تقول الحق
القاضي : متجاوز موضوع تقول
ماذا تعرف عما حدث في شهر يناير الماضي
الشاهد : في بداية سنة 2006
القاضي :
احنا بنتكلم
عن 2011
الشاهد : ما انا عارف بس انت مش عاوز تسمع الحكاية من
الاول
القاضي : اتفضل
الشاهد : في 2006 و مع تصاعد نشاط حركة كفاية , قرر الريس
حمبارك مساندتهم فطلب مني ذلك و علي طول خليت عتمان و شاهين و كام واحد
القاضي : مقاطعا
هي الناس ديه قديمة كده
الشاهد : ديه معي من اول يوم , المهم خليت عتمان و شاهين و كام واحد يعملوا
دعوة الي اضراب عام لمساندة حركة كفاية و نجح الاضراب لدرجة اننا قررنا نعمل حركة
اطلقنا عليها 6 ابريل
القاضي : تقصد 6 ابريل بتاعتنا , بتاعت احمد ماهر و محمد عادل
الشاهد : اه ما انا جي لك في الكلام المهم عملنا الحركة و
اتخذ عتمان اسم حركي هو احمد ماهر و شاهين طلع علي نفسه محمد عادل و قدرنا نلم ناس
كتير معانا و طبعا كله كان قانوني , و في اواخر 2010 حدثت الحادثة الخاصة بالشاب
خالد سعيد فحزن الريس حمبارك كثيرا لدرجة انه قعد اسبوع ما يكلش الكفيار اللي
بيحبه و طلبت مني الست حرمه اني اتصرف فعملنا صفحة كلنا خالد سعيد و فرح بها الريس
جدا لدرجة انه طلب يكون هو الادمن لكني اقنعته نسيبها لعنان يديرها ووافق
القاضي : متقوليش انه خد اسم وائل غنيم كاسم حركي
الشاهد : بالظبط
القاضي : طب كمل
الشاهد : و قد قام عنان بالدعوة لبعض الوقفات الاحتجاجية
اللي استجاب لها الشباب بشدة و ده اسعد الريس قوي
القاضي : و هو في قمة الذهول , استراحة 10 دقائق ثم نعود للاستماع الي باقي
اقوال الشاهد
محكمة
القاضي يدخل و هو يحاول التماسك
القاضي : لحد دلوقتي انت مدخلتش في الموضوع
الشاهد : ماشي ما انا جيلك اهو عيبكم يا شباب التسرع مهو
لو كان صبر القاتل علي المقتول
القاضي : مقاطعا خلينا في الموضوع
الشاهد : يوم 20 يناير اتصل بي الريس و قال لي بالنص
" انا زهقت خلاااااااااااص من العيال دوله خلصني منهم بقي , انا مش عارف هم
عاوزين مني ايه , دول ناويين يجيبوا اجلي "
القاضي : انت متاكد يوم 20
الشاهد : اه ,
القاضي : طب عملت ايه
الشاهد : رحت علي طول لميت عتمان و شاهين و عنان و قلت
لهم عاوزين نبسط الريس احنا نعمل مظاهرات منظر الشباب و هم بيتظهروا بيفرح قلب الريس و بالفعل نشرنا
الموضوع علي صفحات 6 ابريل وكلنا خالد سعيد
القاضي : هو يكلم نفسه تقريبا
الحلبة اللي شربتها فيها حاجة ثم يوجه كلامه للشاهد و ايه اللي حصل
الشاهد : الناس فعلا نزلت لكن للاسف بعض اعداء الوطن
حاولوا منع هذه المظاهرات فامرنا رجلتنا بالتعامل معاهم
المتهم الرابع : يقف فجاءة
انا اعترض علي وصف رجالتي باعداء الوطن
الشاهد : هو حد جاب سيرة رجالتك انا باتكلم عن اللي كانوا
لابسين اسود و بيضربوا في الناس
المتهم الرابع : هم دوله رجالتي
القاضي : موجها كلامه للاثنين
ممنوع مناقشة الشاهد الا باذن المحكمة ثم يوجه كلامه للشاهد كمل
الشاهد يتمتم و انا قوله الناس ديه
بشبه عليها يقول لي لأ , اقول له دوله
لابسين زي بتوعنا , يقو ل لي لأ دوله
الناس التنين , ماشي حسابك معي لما اروح , ثم
ينتبه فيوجه كلامه للقاضي
الشاهد : , و فضل بعد كده الموضوع رايح جي لحد ما جيه يوم 28 و استطاع
رجالتي حسم الموقف نهائيا لصالحهم و ده بسط الريس جدا لدرجة انه أكل يومها
البروكلي اللي ما بيكلوش الا في المناسبات
القاضي : مسمعتش عن موقعة الجمل
الشاهد : تقصد اللي حصلت بين جيش سيدنا علي و جيش السيدة
عائشة
القاضي : لا اللي حصلت يوم 1 فبراير
الشاهد : معرفش لان التلفزيون بتاعي كان بايظ و كنت باصلحه في التوكيل و رجع يوم 3
فبراير
القاضي : يعني مسمعاش عنها
الشاهد : لا
القاضي و قد انهار ترفع الجلسة نص ساعة
و بعدها يتم مناقشة الشاهد
محكمة
القاضي يدخل
القاضي : الدفاع يتفضل
يقف محامي تبدو عليه الحكمة و يبدء قائلا
" الديب حاضر عن المتهمين كلهم
"
القاضي : اتفضل اسال الشاهد
الديب : شكرا ثم يوجه كلامه
للشاهد سيادتك قولت ان الريس طلب منك تخلصه من العيال ديه ممكن توضح
لنا اكتر
الشاهد : بصراحة الريس زهق من عياله جدا لانهم كل
يوم كانوا يفضلوا سهرنين لحد وش الصبح بيلعبوا و يهيصوا و ساعات يتخانقوا مش بيخلوه يعرف ينام من الداوشة فطلب مني اخلصه
منهم عشان يعرف ينام
الديب : يعني يقصد مين بالظبط بكلمة العيال
الشاهد : ولاده هو عنده غيرهم
الديب : طب و انت عملت ايه
الشاهد : بضيق هنعيده تاني ما انا لسه قايل
الديب : ماشي , ثم
يوجه كلامه للقاضي شكرا الدفاع انتهي من الشاهد
القاضي : الادعاء يتفضل
يحدث هرج بين محامين الادعاء و الكل
يحاول اختطاف الميكرفون حتي تمكن اطولهم من التغلب علي باقي المحامين و يمسك
الميكرفون موجها حديثه للشاهد
المحامي 1 : ممكن تقول لي هم كانوا بيلعبوا ايه
الشاهد : مين
المحامي 1 : الولاد
الشاهد : مستغربا ما اعرفش بس انا سمعت انهم بيحبوا يلعبوا
بنك الحظ
المحامي1 : طب ايه سبب الخناقات
الشاهد : علي حسب ما
اسمعت كانوا بيتخنقوا مين يمسك البنك المركزي اقصد البنك بتاع اللعبة
المحامي1 : و مين كان بيكسب
الشاهد : نعم و يوجه كلامه
للقاضي انا مش فاضي للهبل ده
القاضي للمحامي : لو عندك سؤال في الموضوع اسال مافيش اقعد
تخرج اصوات من الحاضرين اقعد هتودينا
في داهية
يجلس المحامي 2فيختطف الميكرفون محامي
اخر
المحامي 2 : طب تعرف هم كانوا بسيهروا لحد الساعة كام
الشاهد : لأ بقي ده انتو عالم فاضية
القاضي للمحامي2 : اقعد الله يخيبك ثم
يوجه كلامه لمحامين الادعاء حد عنده اسائلة تانية ينظرون الي بعض في ارتبك فيقوم احدهم و تبدو علي مظاهر الاتزان
النسبي
المحامي 3 : قولت انكم اللي عملتوا 6 ابريل و كلنا خالد سعيد
الشاهد : اه
المحامي 3 : طب ازاي يكون عتمان احمد ماهر و شاهين محمد عادل
و عنان وائل غنيم و احما عارفين شكل كل واحد فيهم كويس
الشاهد : التكنولوجية و التنكر انت بتتعامل مع اذكي جهاز
مخابرات ثم يضحك و هو يقول انت عارف مين مدرب المنتخب من 2006 لحد 2010
المحامي 3 : طبعا حسن شحاته
الشاهد : غلط طبعا خالت عليكم , انا , يسود الوجوم
كل الموجودين , التكنولوجيه بتعمل كل حاجة
المحامي 3 : ماشي طب تقدر تقولي اسراء تطلع مين
الشاهد : ديه الفنجري قبل ما يربي شنبه
المحامي 3 : انت بتقول ان رجالتك كانوا هم اللي نزلوا
من يوم 25 الي يوم 28 , طب تقدر تقول لي الشهداء جم منين
الشاهد : انا جت لي تقارير يوم 28 اني فيه ناس اندست في
المظاهرا ت و عمالة تحدف علي بعض رصاص و كمان فيه ناس كنت بترمي نفسها تحت
العربيات بلا سبب و كمان كان فيه ناس كنت بتجدف بمب علي بعض فاكرة انه يوم العيد و
ده تصبب في اصابات في العين كتير
المحامي 3 : يعني مكنش فيه حد تاني خالص بيضرب نار
الشاهد : لا فيه
المحامي 3 : حلو ميييين
الشاهد : الشريفة الشيخة ماجدة قالت لي و هي قاعدة علي شط
النيل شافت ناس طالعين من المياه و معاهم
سلاح و لما سالتهم من انتم ردوا قالوا لها احنا الحفريت فخافت و جريت
المحامي 3 : في ياس للقاضي خلاص خلصت
القاضي : تؤجل القضية ليوم 30 ديسمبر لسماع الشاهد الحادي
عشر
محكمة
ليست هناك تعليقات:
إرسال تعليق