لماذا نشارك في الانتخابات

1-  شهداء ثورة يناير قدموا ارواحهم من اجل يصبح الشعب قادرا علي ان يعبرعن رأيه بحرية مش عشان إنجاح تيار او اشخاص بعينهم , كل ما حلموا به هو ان يعطوا لهذا الشعب فرصة لان يعبر عن رايه ليس اكثر ,و بالتالي لو ما نزلناش عشان نقول راينا في الانتخابات يبقي دم الناس ديه راح هدر حتي لو اعدمنا كل من تسبب في استشاهدهم

2-كده كده الفلول و السلفيين و الاخوان نازلين الانتخابات يعني ممكن المجلس يتكون من التلت فئات دول بس و تفرج علي الدستور اللي هيطلع ساعاتها , لما تقرءه هتحس ان برده دم الشهداء راح هدر

3-   الامتناع عن التصويت لن يؤدي سوي الي لا شئ

4-  الديمقراطية يعني ان نتقبل راي الاغلبية حتي لو كان ضد المصلحة العامة و مصلحتهم مين قال ان الديمقراطية دائما تفرز الاصلح لو مش مصدقني بس علي اللي حكموا اوربا و امريكا في اخر 20 سنة و احنا لسه بنتعلم و طبيعي ان التجارب ديه تفرز اشياء غريبة

5-  يبقي فيه اي هيئة ممكن تستلم الحكم من الجيش لو قرر يفلسع في اي لحظة و ده متوقع بعد ما يامن نفسه حتي لو كانت الجهة ديه ذات شرعية منقوصة او مشكوك فيها

6-   عشان نقفل باب جديد من الابواب اللي بيتحجج بها المجلس العسكري عشان يلزق في الكرسي

7-   احنا جربنا كل حاجة في ال 10 اشهر اللي فاتت جت علي الانتخابات و وقفت

8-   اخيرا في راي الانتخابات ديه مجرد تمهيد الشغل كله هيبقي في الاستيفتاء علي الدستور

اسرار

من الذي دهس الناس في ماسبيرو , من وراء هذه الاحداث , هل فعلا الجيش هو من قام بذلك ام من

المشكلة ان روح الثورة تاهت في زحمة المطالبات الفئوية و الرغبات الشخصية و هو ده اللي حصل , الواد ميزو كان خارج فحب ياخد المدرعة البيج بتاعت ابوه من وراه , المهم الواد طبعا مكنش يعرف ان الفرامل بتاعت المدرعة مفوتة و الرديتير مفهوش مياه , المهم الواد خد لعربيةو فضل ماشي بيها لحد ما حس انها سخنة قرب كوبري 15 مايو راح ركنها و نزل يدور علي مكان يملي منه جركن مياه , وساب  المفاتيح جو المدرعة فاكر نفسه لسه في روح التحرير , و في نفس الوقت كان فيه شابين كانوا معدين عجبهم منظر المدرعة قعدوا يلفوا حوليها و بيبصوا من الزجاج شافوا ايه شافوا المفاتيح , المهم الفكرة ضربت في دماغهم قالوا ناخدها لفة , راحوا راكبين و مشغلينها المدرعة مشيت من هنا و هم مش عارفين يسوقوها و طبعا مش عارفين يوقفوها عشان الفرامل مفوتة , و بالصدفة كان فيه مجموعة من الناس اللي بتقدم علي شغل واقفة قصاد ماسبيرو – اللي الاعلام المندس قال عليهم متظاهرين – راحت المدرعة داخلة فيهم و العيال عشان يوقفوها لبسوا المدرعة في الرصيف , و كان بالصدفة جنب عربية لادا بنمر قوات مسلحة , و جريو , طبعا الناس ايه شافت المنظر قالت بس هو الجيش اللي عمل كده و الموضوع اتصور للعالم كله ان فيه فتنه في مصر

2

من وراء اطلاق النار في محمد محمود

هذا الموضوع لا يمكن التحدث عنه الا بالرجوع للوراء و بالظبط الي يوم 28 يناير

عند الجامعة الامريكية كان يومها في ظابط و عشرين جندي واقفين عشان لو حد من الثوار يومها دخل الشارع يمسكوه , المهم محدش من الثوار دخل الشارع المجموعة ديه من الملل نامت و هي نايمة نزلت عليه قنبلتي غاز ماتوا , و عشان كانوا ساعتها نايمين مقتنعوش انهم ماتوا و من ساعتها اي مظاهرة في الشارع بيضربوا عليها نار فاكرين نفسهم بينفذوا المهمة اللي الداخليه قالت لهم عليها ,

و احب اوضح حاجة كمان مهمة الدخلية مكتش بتضرب غاز علي المتظاهرين ديه كانت قنابل بخور عشان تبعد الاشباح دوله عنهم و انتم عارفين تاثير البخور علي الاشباح و العفاريت

شوفتم بقي احنا كنا ظالمين الجيش و الشرطة ازاي 

الصداقة و الذهب

-             الذهب لا يختلط بالمعادن المحيطة به و و كذلك الصداقة الحقيقية تظل بمعزل عن الظروف المحيطة بها

-             لكي تحصل علي جرام ذهب فانت تستخرج اطنان من المعادن الاخري و التراب و كذلك الصداقة تتعثر كثير و تمر بعلاقات كثيرة حتي تجد الصداقة الحقيقية في احداها

-              الصداقة من انبل المشاعر الانسانية و كذلك الذهب فهو اهم المعادن النبيلة

-              قديما قالوا ليس كل ما يلمع ذهبا و بالطبع ليس كل من يتقرب من صديق

-             الصداقة الحقيقية كالمشغولات الذهبية تكوينهما صعب و يحتاج الي صبر و لكن اذا انكسرا كان من السهل اصلاحهما دون ان يظهر اي اثر لهذا  الكسر 

-             الذهب كلما مر عليه الزمان ازداد اعجاب الناس به  و كذلك الصداقة 

بيجو 7 راكب

السواق : طول الوقت سرحان و بيعد في الاجرة و عمال ياكل المطبات و البلاعات اللي في الطريق واحد واحد و كل ما الركاب يشتكوا يقولهم " انا اصلا زهقت و تعبت من السواقة اصبروا اول ما نوصل الرست هسيبهالكوا اللي يعرف يسوق يجي يشوق "

الراكب اللي جنبه طول الوقت عمال يتخانق شوية مع السواق عشان ماشي براحة و عشان كل ما يدي العربية غيار يخبط الفتيس في ركبته , و شوية مع الراكب اللي علي يمينه عشان عاوز يقعد مكانه

الراكب اللي في اليمين شوية يتخانق مع السواق عشان يبطء و يقوله " براحة يا اسطس لحسن الهوا جابلي جيوب انفية " و شوية يقول الراكب اللي في النص " و الله انا نفسي ابدل معاك بس انا معرفش اركب عربية غير جنب الشباك عشان بتخنق "

ركاب الصف الثاني اللي علي اليمين عاوز السواق يشغل له اغنية زحمة يا دنيا زحمة و اللي علي الشمال عاوز اغنية وطني حبيبي الوطن الاكبر

و الراكب اللي في نص نايم يميل علي اللي في اليمين يزوقه و يقول له اصحي , الراكب يصحي و يوقل " ايه احنا وصلنا " و ينام تاني يميل علي اللي في الشمال يزغده يصحي و يقول تاني " ايه وصلنا خلاص " و ينام و يسند علي اللي في اليمين تاني و هكذا

الاتنين اللي ورا اخر دماغ كل شوية يطلعوا عود قصب يمصوه و يرموا المصاصة في قفا اللي قدمهم و يقولوا للسواق " خلص يا اسطي لحسن زهقنا من القاعدة "

المصيبة اني محدش فيهم واخد باله ان العربية عطلانة و مقطورة

مقتطفات من الجزء الخاص باليهود في كتاب تاريخ الحضارات الاولي ( جوستاف لوبون )

مقدمة

غني عن التعريف ان جوستاف لوبون لم يخصص كتابا للتحدث عن الحضارة اليهودية المزعومة بل افرد لها جزءاَ في كتابه الحضارات الاولي , و هو الجزء الذي تم تجرمته من هذا الكتاب علي يد الاستاذ عادل زعيتر في النصف الاول من القرن الماضي , الا انني يجب ان الفت النظر الي انني تجنبت ذكر اي من اراء لوبون فيما يتعلق بالديانة اليهودية و الانبياء نظرا لتعارضها الشديد مع نؤمن به .

و في النهايه هذه الاراء الاتية من اح كبار المستشرقيين اهديها لكل من يؤمن و يقف الي جانب القضية الفلسطينية و هي ان كانت اراء تخص ماضيهم فانني علي اعتقاد كامل بان من يريد ان يفهم حاضر او مستقبل امة يجب ام يعرف و يدرك تماما ماضيها

اراء جوستاف لوبون في نصيب  اليهود في تاريخ الحضارة

" لم يكن لليهود فنون و لا علوم و لا صناعة و لا اي شئ تقوم به حضارة و اليهود لم ياتوا قط باي مساعدة في شيد المعارف "

" اليهود لم يجاوزو قط مرحلة الامم شبه المتوحشة التي ليس لها تاريخ "

" لم يجاوز قدماء اليهود اطوار الحضارة السفلي التي لا تكاد تميز بين طور الوحشية , و عندما خرج هؤلاء البدويون يقصد اليهود الذين لا اثر للثقافة فيهم من باديتهم ليستقروا في فلسطين و جدوا انفسم بين امم قوية متمدنة فلم يقتبسوا من تللك الامم العليا سوي اخس ما في حضاراتهم "

" و اثبت اليهود عجزهم التام العجيب علي الاتيان بادني تقدم في الحضارة التي اقتبسوا احط عناصرها "

اراء جوستاف لوبون في البيئة و العرق  

" تكن فلسطين غير بيئة مختلقة لبني اسرائيل فلبادية كانت الوطن الحقيقي "

اراء جوستاف لوبون في تاريخ اليهود  

" لم يكن هنالك فتح بالمعني الصحيح يقصد ادعاءهم بفتح فلسطين بعد الخروج من مصر  علي الرغم من اقاصيص مؤرخيهم المملوءة انتفاخا بتعداد الانتصاراات و تقتيل الاهالي "منظرهم واخدين علي كده طول عمرهم

" تكن فلسطين غير بيئة مختلقة لبني اسرائيل فلبادية كانت الوطن الحقيقي "

" و الواقع ان فتح فلسطين في عهد شاول كان بغيدا من التمام و في فلسطين كان يعيش اليبوسيون و العصمونيون و طائفة من الامم الصغيرة بجانب بني اسرائيل و كان سلطان فلسطين للفلسطنيين العرق الوحيد الآري علي ما يحتمل "

و لمن يريد قراءة الكتاب http://www.4shared.com/document/shNeFSsg/_____.htm

لمعلومات عن جوستاف لوبون http://ar.wikipedia.org/wiki/%D8%AC%D9%88%D8%B3%D8%AA%D8%A7%D9%81_%D9%84%D9%88%D8%A8%D9%88%D9%86

 لمعلومات عن المترجم الاستاذ عادل زعيتر http://ar.wikipedia.org/wiki/%D8%B9%D8%A7%D8%AF%D9%84_%D8%B2%D8%B9%D9%8A%D8%AA%D8%B1

الفرق بين زماااااااااااااااااااان و دلوقتي

زمااااااااان كنا بنتعلم في المدرسة إن الدين اليهودي دين العين بالعين و السن بالسن و الدين المسيحي دين اذا ضربك احد علي خدك الأيمن فادر له الأيسر و الدين الإسلام دين العين بالعين و السن بالسن و من اعفي , يعني الدين اليهودي دين العقاب و الدين المسيحي دين التسامح و الدين الإسلامي الدين المغفرة
دلوقتي  و بفضل الإخوة المتعصبين  في الجامع و الكنيسة تحول الدين الإسلامي إلي دين عنف و الدين المسيحي الي دين الانتقام

شكرا

زمااااااااان  أتعلمنا أن الدين لله و الوطن للجميع

دلوقتي الدين في خدمة السياسة و الوطن للفلول

شكرا

زمااااااااان  كان فيه الإخوة المسيحيين و الإخوة المسلمين

دلوقتي  فيه العملاء الأقباط و الغزاة المسلمين

شكرا

و أخيرا

زمااااااااان  كان المسلمين و المسيحيين نفسهم يولعوا في اليهود

دلوقتي نفسهم يولعوا في بعض

مقتطفات من كتاب روح الثورات ( جوستاف لوبون )

هذا الكتاب الرائع الذي يتكلم عن نفسية الشعوب و قت الثورات يستحق القراءة بالفعل و هنا اعرض بعض الجمل التي اري انها تفسر ما حدث للثورة المصرية حتي الان .
لكني في النهاية ادعو كل المهتمين بفهم الثورة المصرية لقراءة هذا الكتاب

" قد ينتج عن الثورة في النهاية الامر معتقد لكنها تنشا في الغالب عن عوامل عقلية كالقضاء علي ظلم فادح و استبداد ممقوت او ملك يبغضه الشعب مع ان العقل هو اصل الثورة فان الاسباب التي تهيئها لا تؤثر في الجماعات الا بعد ان تتحول الي عواطف " الرجل ده بيتكلم عن الثورة الفرنسية و لا المصرية

" الثورة مهما كان مصدرها لا تصبح ذات نتائج الا بعد هبوطها الي روح الجماعة فالجماعة تتم الثورة و لا تكون مصدرها " كده كان منظره معنا يوم 28 يناير

" اما مبادئ الثورة فلا تدخل في قلب الشعب الا بالتدريج فالشعب يقوم بالثورة من غير ان يعلم سببها و متي ساقه حظه الي ادراك هذا السبب فان الثورة تكون قد انتهت .

يقوم الشعب بالثورة مجيبا دعوة زعمائه و هو ماعدم ادراكه شيئا  يستحق الذكر من افكار هؤلاء الزعماء تتوارد هذه الافكار لديه حسبما يمليها عليه خياله " يا ريت ائتلافات الثورة و بالاخص ائتلاف ثوار مركز شباب سلمتها ام حسن يفهموا كويس ان الناس قامت بالثورة لكن معظمهم كانوا لا يدركون اسباب الثورة و من ادركها لم يكن يدري معناها , مش خلاص ناس قامت بثورة تبقي تضجت فكريا

" ان المرء و هو جزء من الجماعة يختلف جدا عنه و هو منفرد فشخصيته الشاعرة تفني في شخصية الجماعة غير الشاعرة " بالظبط نفس اللي حصل مع الناس ايام الثورة

" و ما تتصف به الجماعات من سرعة التاثر و الانفعال يجعلها مفرطة في مشاعرها التي تكون ضارة او نافعة و يعظم هذا الافراط في ايام الثورة فاقل تحريض يدفع الجماعات وقتئذ الي القيام باقسي الاعمال " ده اللي بقي بيحصل في الجمعات المليونية

" و تتلاشي الاخلاق الشخصية في الجماعات لما لها من تاثير في افرادها فيصبح البخيل متلافا و الملحد معتقدا و الصالح مجرما و النذل بطلا " ده اللي بيفسر ليه الناس اتغيرت في الثورة

" الكل يعلم درجة الخوف الذي استحوذ علي البرلمان و قتما دخل عليه الشاب لويس ال14 و السوط بيده ليلقي خطبته و الكل يعلم درجة الوقاحة التي اتاها المجلس التاسيسي تجاه لويس ال16 حينما كان هذا الملك يشعر بضعفه " بالذمة مش بتفكرك هذه المقولة بمجلس الشعب سنة 1977 و المجلس العسكري 2011

" عندما تغلغلت تللك الثورة  (  يقصد الثورة الفرنسية )   في الشعب تقهقر غنصر العقل امام عناصر العاطفة و الاحتماع و دفع عنصر التدين الجيوش الي التعصب "

" كثيرا ما تاتي هذه المجالس (  يقصد المجالس الثورية  ) اعمالا مخالفة لعزائم كل عضو من اعضائها و هم منفرد فمع ان المجلس التاسيسي كان ملكيا فقد قضي علي الملكية و مع ان الجمعية التشريعية كانت مشبعة بروح الانسانية فقد سمحت بوقوع مذابح سبتمبر و مع انها كانت مسالمة فقد دفعت فرنسا الي القيام بحرب هائلة " تفتكر المجلس العسكري هيعمل ايه

" تدلنا حوادث الثورة الفرنسية علي ان الشعب يرجع مسرعا الي همجية القرون الخالية اذا تفلت من الزواجر الاجتماعية التي هي اساس كل مدنية " طبعا ده خد منه كتيييييييييير